Teman...

Nindu, ngata saja kam adi perlu man sampaten..
Laterkataken teman, cakap sibelaskenndu pedas kel lawes.
Nindu, meriah kel ukurndu ngidah aku ras ia.
Laterturiken teman, kepeken sandiwara saja siterbelas.

Kune tehndu isi pusuhku, la mungkin kam nggit encedaisa pusuh si getem.
Seumpama tehndu percedana ukurku, la mungkin kam nggit nontarisa.
Teman, labo aku merawa, labo aku tangis, labo segat ateku kam.
Teman, ula min sempat kam lanai erteman, bas umurta sigendek enda.

Terombo Karo

Terombo (Silsilah) pada suku Karo.

Bujur Oh Nandeku, Bujur o Bapa..

Laterbalas kekelengenndu bagi matawari nerangi doni enda.
Laterkataken uga belinna atendu keleng, lalit bandingenna.
Laterlupaken perkuah atendu, ajarenndu la pernah si lepak.

Amin runtuh gia pagi doni enda, tetap kam ngenca ateku keleng.
Amin nimpet pe pagi matawari, kelengndu lapernah nimpet bas pusuhku
Erbekas kekelengenndu, erbekas perkuah atendu, erbekas tapi lapernah bene.

Bujur o nandeku, bujur o bapa…
Keleng atendu ngatakenca uga nanamna kemalemen ate situhu-tuhu.